من طرف bazika الخميس 3 يوليو 2008 - 20:07
هذا واحد المعلم ديما خاصو كاس ديال القهوة عاد يكون نورمال واحد النهار بغا كاس دالقهوة و لكن ماعندوش فلوس
هو يبان ليه واحد صاحبو معلم تاهوا gالس و شاري قهوة هو يقول الله لقيت معامن نشرب قهوة وانا من صباح وانا مبرزط تنقول شكون غادي يخلص عليا قهوة
مشا عندو غي بغا يهز الكاس دالقهوة قاليه مولاها هدا هاد الكاس راني مشارك فيه أنا و واحد الجم رد عليه لاخر قاليه هانيا نشرب من حقك و يبقى لصاحبك حقو
قاليه لا حقي أنا كاين فنص الكاس لي لتحت و الحق ديال صاحبي هو النص الفوقاني هو يجبد لاخر غشا ديال ستيلو خشاه فالكاس هو يمص نص الكاس هو يقوليه هاني شربت غير حقك لي لتحت
هدا واحد مول الحانوت تايعمر اتاي مع 10 ديال الصباحيلاه تايعمرو و تايشحرو تايحط الكاس شررررررررررررررررررررر تايوقف عليه واحد الحاج : السلام عليكم و عليكم السلام تايشرب هوا وياه اتاي و ديما بحال هاكاك غير تايحط البراد تايبعت عليه الحاج حتى تقهر مول الحانوت هو يقول و الله غدا هاد الحاج لا شرب معايا اتاي ماغاديش نبقا نعمر انا هاد اتاي
الغد وصلات 10 ديال الصباح ماجاش الحاج 11 ماجاش الحاج 12 ماجاش الحاج وصلات 12.30 مول الحانوت جاتو الشقيقة هو يقول صافي الحاج ماغاديش يجي ارا نعمر شي بريريد عمر البراد شحرو بدا تايكب فالكاس شرررررررررررررررررررررر هو يوقف الحاج قاليه هاواحد السلام عليكم
دار فيه مول الحانوت قاليه داخلنا عليك بالله واش نتا نحلة ( كايشم لحلاوة)
هدا واحد خينا تاضرب شقوفا ديما واحد النهار طاح كوما داوه ولادو لسبيطار عالجوه فاش فاق قاليه الطبيب إلى بغيتي ماتابقاش تمرض خاصك تعطي تيساع لشقف
هيا هاديك مشا لدار هو يصاوب واحد الشقف فيه 6 ميترو و عيط لولدي قاليه سير شعل ليا هاد الشقف من لهيه هو يقول ليه ولدو علاش ا لواليد درتي سبسي هاكا طويل قاليه باه راه الطبيب قاليا إلى بغيتي تبرا خاصك تعطي تيساع لشقف
هادا واحد الجوم جا من طاليان ضرب تما عاماين و جا فالكار 3 أيام ديال الطريق و التسخسيخ و مربي الشعر طويل و شادو بلاستيك وصل مع 5 ديال الصباح هو يقول ناري غايشوفني لواليد مربي هاد لكعيرة غادي يصعر عليا قال ارا ندوز عند شي حلاق نحسن
مشا عند واحد الحلاق عاد فايق تاهوا قاليه نقص ليا من الشعر قاليه الحلاق تالين بغيتي نقص ليك قاليه الدري نقص حتى نقوليك باراك هيا هاديك بقا الحلاق تانحسن ليه و الدري مع التسخسيس ديال الطريق داه النعاس هو يحسن ليه الحلاق كلشي دار ليه زيرو هو الدري يفيق قال للحلاق دي ليا الفرقة قاليه الحلاق باش بيتي نديرها ليك بطاباشير
هادا واحد الشلح عندو فار فالحانوت تاياكول ليه كولشي هوا يدير ليه مصيدة تايجي فالصباح تايلقا لماكلا ليفوق المصيدة تكالت و الفار مامشدودش ماعرفش كيفاش تادير
واحد النهار دار ليه المصيدة و دار كاميرا باش يصورو كيفاش تايدير الغد ليه جاب الفيديو لي تصور بدا كايتفرج هو يلقا الفار شينوي تاياكول بلعواد
هادو واحد 4 ديال ناس واحد العام بغاو يمشيو الحج و غادي يمشيو على رجليهوم تايديرو فالطريق عام و تايرجعو فعام هي عاماين ديال الطريق
ضربو عام ديال الطريق وصلو الحج دارو قيطون جبدو بغاو يديرو لغدا يتغداو بككسو لقاو راسهوم نساو السمن فالمغرب ماجابوهش هما يديرو القرعة بيناتهوم شكون يرجع يجيب السمن من المغرب جات فواحد قالو ليه غادي تمشي تجيب لينا السمن غادي نتسناوك عامين عام فاش تمشي و عام فاش ترجع إلى ماجيتيش غادي فهاد المدة غادي نسيو نتغداو
داز عام و العام التاني وصلات 12 بداو تايسيو وصلات الوحدة بغاو يبداو ياكلو غي قالو بسم الله هو يخرج ليهوم من مورا لقيطون قاليهوم مساخيييييييييييييييط كون مشيت كون كليتووووووووووووووه
تجنن يا على