من طرف التليفونات الأيام دي محدش يقربلها
أي والله
لحسن لما تكون النمرة غلط بتبقي مصيبة
آه افرض انت اتصلت بحد وطلعت النمرة غلط
هيردوا عليك يقلولك ان النمرة غلط ...انا آسف...لا ولايهمك...شكرا..العفو..سلام..تيك
لا لا معدش في كده خالص..الناس دي انقرضت من زمان وطلع الجيل الجديد
زي واحد صاحبنا اسمو حمادة
اول مصيبة:
حمادة: ألو!الست: أيوة..سلامو عليكو
حمادة: وعليكم السلام..مين معايا؟
الست: ماما موجودة ياحبيبي؟
حمادة: ميييين معايا؟؟؟
الست: انت اللي مين؟!حمادة: انتي اللي متصلة..مين معايا؟
الست: انا أبلة مرفت
حمادة: حضرتك عايزة مين بقي؟
الست: مدام سحر موجودة؟
حمادة: نايمة
الست: ممكن تصحيها؟
حمادة: نايمة تعبانة مقدرش اصحيها.الست: قولها بس طنط مرفت عالتليفون.
حمادة: اتصلي بيها لما تصحي
الست: انت بتكلمني كده ليه؟
حمادة: بتكلم ازاي يعني؟!الست: اتكلم معايا بأدب
حمادة: مش فاضيلك اتصلي بيها بعدين
الست: انت مين؟
حمادة: انا الخدام في حاجه؟!!
الست: اسمك ايه؟
حمادة: هو تحقيق؟؟
الست: لا بس انت بتتكلم بطريقة مش مؤدبة
حمادة: براحتي
الست: دانتا غتيت
حمادة: غتيت؟ ايه الألفاظ دي؟
الست: أحم!!,طب ابقي اكلمها كمان قد ايه؟
حمادة: هي مين دي اللي تكلميها؟
الست: مدام سحر!!!
حمادة: مين مدام سحر دي؟
الست: نعم!!!!امال انا بقالي نص ساعة بتكلم علي اساس ايه؟
حمادة: معرفش اصل انا لسة صاحي من النوم ومش مركز
الست: طب انت مين؟
حمادة: النمرة غلط سلام....
الست: استن....طك...تيت تيت تيت تيت
تاني مصيبة:
حمادة: الو!الراجل: ايوة!حمادة: ايوة ولا الو
الراجل: الو مين معايا؟
حمادة: انت اللي مين وعايز مين؟
الراجل: الأستاذ فتحي هنا؟
حمادة: مين معايا؟
الراجل: انا الأستاذ حمدي.حمادة: عايز ايه؟
الراجل: الأستاذ فتحي هنا؟
حمادة: نقوله مين؟
الراجل: ماقولتلك الأستاذ حمدي
حمادة: انت بتزعق ليه ما براحة..!الراجل: مانت نرفزتني
حمادة: طب ماتزعلش
الراجل: مش زعلان بس لو سمحت عايز الأستاذ فتحي
حمادة: اقوله مين؟الراجل: انت غبي..؟ هو اللي نعيده نزيده؟!!
حمادة: انا غبي, الله يسامحك
الراجل: هو مين معايا؟؟
حمادة: انا الغبي
الراجل: يابني ماتقولش علي نفسك كده
حمادة: انا مش ابنك انا متبري منك
الراجل: ماقصدش والله
حمادة: لا انت تقصد
الراجل يا ابني انت مش غبي ولا حاجه
حمادة: لا انا غبي..انت قولت كده..وبعدين انا مش ابنك
الراجل: طب انت اسمك ايه؟
حمادة: هو انا مش ابنك؟ مش عارف اسمي ازاي؟
الراجل: لا انا ماقصدتش معني ابني بجد
حمادة: امال انت كنت بتقولي كدة ليه
الراجل: كنت بصالحك ياسيدي متأسف
حمادة: انا مش سيدك ومش مسامحك..انت اسمك ايه؟
الراجل: اسمي الأستاذ حمدي!!حمادة: وعايز ايه؟
الراجل: عايز الأستاذ فتحي لو سمحت
حمادة: اقوله مين؟
الراجل: ارحمني بقي
حمادة: وهو انا بعذبك؟
الراجل(وهو جايب أخره):لا انت مبتعملش حاجه
حمادة: امال انت عايز ايه؟
الراجل: استاذ فتحي لو سمحت!حمادة: الأستاذ فتحي مين؟؟!!!
الراجل: نعم؟!!!!!!!!!حمادة: مفيش حد عندنا بالأسم ده
النمرة غلط.......سلام.....
الراجل: وكل ده عمال تشتغلني ياأبن ال ......
