طفل .. يبي هَمّ ... مايدري إن الهَمْ ماتت به أرواااح !!!

آلا ياطفل لاتكبر..
كذا أجمل..
كذا أطهر..
كذا لا دين يتراكم..
كذا لا ضغط ولا سكر..
ترى أكبر كذبه عشناها..
(( يالله متى نكبر ))
















طفل يجوع : يقول مـــامـــا أبي هَــمّ ..!!
مايدري أن الهَمْ مـــاتت به أرواح ...






[طفل صغير] لا يحب ولا يهتم ..
ولايبكي .. ولايندم على الي راح ..








[طفل صغير] مادرس.. أو ..تعلم ..
وماتعلم كيف أحبابه يبادلونه جراح ..








[طفل صغير] ماعرف أبجديات الكلم ..
وماعرف طعم الألم .. وريحة الكذب لافاح ..






مادرى عن دنيا تصدم من ضحك .. أو .. تبسم
مادرى عن عالم يفقد طعم الإنشراح ..








وأنا كيف أشرح لطفل كم بيتجرع ألم ..؟
كم بيعايش من معاناة أليمه ماتباح ..!








كيف أشرح له شعور شخص [سجين] متهم ..
عايش هم أطفال وهم اطلاق السراح ..







كيف أشرح له شعور [ الفقير ] وحاله عدم ..
غارق بهم الديون وهم طفله اذا صاح ..!








كيف أشرح له شعور واحساس[ الأطرم ] ..
يبغى يشرح أويقول وكل مشاعره ماتباح ..!








كيف أشرح له شعور واحد من .[ الصم ].
يشوف من حوله يتشاور وماسمع الإقتراح ..!








كيف أشرح له شعور شخص [ مقعد ] وماتم ..
عايش تحت رحمة ..عاش مكسور الجناح ..!








كيف أشرح له شعور [ اليتيم ] لاأب ولاأم ..
تايه وسط الحياه بين هم وبين كفاح ..!








كيف أشرح له شعور من [ فقد ] خال وعم ..
وعايش وسط ذكرى وذكريات ماتزاح ..!!








كيف أشرح له معاناة تشرب من أحبابك سم ..
ويخطون ويجرحون ويجون يطلبونك سماح ..!!







كيف أشرح شعور [ لابكيت ]الدمع دم ..
تبكي أنت طول يومك ليلك وحتى الصباح ..!








كيف أشرح له شعور شخص [ ميت ] ومغرم ..
وتاركه ذاك المحب وهاجر عنه وراح..!!








وكيف أشرح له العِشَره بكل سهوله تنهدم
ويموت قلب الحب ذاك ويندفن وسط الجراح ..!!










كيف أشرح وكيف أقول انكسر سن القلم ..
وماتت أبياتي وضاعت أحلامي وسط تيار الرياح ..







كيف أشرح ذا لطفل يبتسم ويبغى له هَــمّ ..؟!
وش أعطيه من هُمُومي وأصغرها ماتباح .؟!








ياحبيبي روح ألعب ثم تعال نرسم ( علم ) ..
ونلونه بألوان طيف زاهيه فيها طعم الإرتياح ..








وسكر الدفتر حبيبي وخله بأدراجك يتم ..
وافتحه لاضاقت همومك واعرف الهم ماهو مزاح ..








واذكر أنك أنت قلت: ماما أنا أبي هم ..!
هذا همك ياحبيبي ومابينفعك الصياح ..














مخرج ..}




احلم قد ماتقدر..
واذا خفت ..
خبي احلامك بدفتر..
ترى الايام سراقه ..
والاحلام.. تتبخر






امممم راقت لي كثيراً تلك القصيدهـ .. فأضفت شيئاً من لمساتي إليها ...

أتمنى أن تروق لكم ...