عند شراء موبايل مستعمل

في بعض الناس بتحب شراء موبيل مستعمل و يكون كويس و السعر بيكون معقول
يبقى لازم نأخذ بالنا من أشياء بسيطة كده عشان نتعرف على الموبيل اللي عاو ز ين نشتريه
سوف نذكر الأمور التي تأخذ في الحسبان و من ثم نوفيها حقها في الشرح


اولا/ بنظره فاحصة على شكل الموبيل الخارجي و البودي .
ثانيا/ معرفة عدد ساعات عمل الموبيل و تاريخ الإنتاج و الرقم التسلسلي.
ثالثا/ نظرة متأملة على المسامير و خصوصا تحت المسامير .
رابعا/ عمل over load على الموبيل و نشوف السوفت وير بقى تقيل و لا لسه كويس و شغال تمام
خامسا/ عمل مكالمة منه لاختبار المايك و السماعة .
سادسا/ هي اهم اختبار البطارية و الشبكة و البلوتوث و الانفراريد ...

أولا:-

نشوف الشكل الخارجي من حيث وجود كسور خارجية أو بعض الرتوش و كل ده من ثمن الموبيل
قد يكون الموبيل ممتاز من الشكل الخارجي لان بعض الناس عند شراء موبيل جديد تحتفظ بالوجه الاصلى و عند ما يريدوا استبداله او بيعه يتم تركيبة مره اخري فيكون كأنة جديد ... هنعرف ده بعدين

ثانيا:-

بكود بسيط نعرف عدد ساعات الموبيل و تاريخ الانتاج
#92702689#*
من الشمال الى اليمين
و ايضا
#0000#*
من اليمين الى الشمال
لو كان شكل الموبيل جديد و عدد ساعاتة كتير يبقى الراجل ده
اما 1- احتفظ بالوجه الاصلى زي ما قلنا
2- الراجل محافظ على الموبيل و كلامه في كتير

و بحدد الراجل ده من اي نوع عن طريق شكلة و وظيفته

اما بالنسبة الى الرقم التسلسلى
#06#*
من اليمين الى الشمال
تأكد من ان الرقم التسلسلى للموبيل هو نفس الرقم اللى على كارتونة الموبيل هو نفسه اللى موجود تحت البطارية في ظهر الموبيل ..
ثالثا:-

لازم نعرف الموبيل ده اتفتح قبل كده للصانية ام لا و ده عن طريق
1- نشوف المسامير متخربشه و لا تمام زي ما هي
2- تحت المسمار نشوف في خربشة او كسر بسيط و ده يحدد اذا كان اتفتح ام لا

لو انت مش بتعرف كويس في الموبيل يبقى بلاش تشتري موبيل مفتوح أحسن ..

رابعا:-

الموبيل ده لو كان بقى من 6600 و انت طالع لفوق بقى يبقى تبدأ تفتح برامج كتير و تشغل الكاميرا و الصوت و تسجل فيديو و تشغل ام بي ثري و كام لعبة و تشوف على حسن ما انت فتحت تطبيقات الموبيل حاله ايه معاك مات على نفسه يعني السوفت وير مش كويس و لا يعني معقول و شغال
و دي بترجع الى الاحساس و كثرة استخدام الموبيل

خامسا:-

هنتصل من الموبيل يعني نعمل مكالمة مع حد نعرفه و نشوف المايك و السماعة شغالين كويس و لا فيه شوشرة و يجب عمل حساب جودة الشبكة ..

سادسا:-

هنختبر الشكبة يعني نروح غي منطقة الشبكة فيها ضعيفة شويه و نشوف الموبيل ايه اخبار الشبكة فيه بالمصري كده جليب كام شرطة ؟؟!!!

اما اختبار البطارية هتجيب الموبيل و تطلب من الراجل ضمان مثلا ثلاثة ايام للموبيل و خمسة ايام للبطاريه .

خلال الخمسة ايام دول في اول يوم طلع عين البطارية لحد ما تفضى خالص و استخدم شاحن بطئ و اتركها في الشاحن لمده 6 ساعات او حتي تمتلاء البطاريه اتركها في الشاحن 15 دقيقة اخري

تاني يوم استخدم البطارية الاستخدام العادي
ثالث يوم اترك الموبيل تماما دون اتصال او استقبال مكالمات و نشوف البطارية

اخر شي هو ارسال و استقبال ملفات عن طريق البلوتوث و الانفراريد ان وجدت ...
لو كل الاختبارات تمام يبقى الموبيل كويس ان شاء الله
منقول للفائدة

مشكور جدا على موضوعك الذي ينبه الناس

شكرا على التنبيه

شكرا لك على التحذيرات و المعلومات

شكرا على النصيحه

مشكووووووووووووور على الموضوع